شعر شعبي جميل

أنطيته السويج وعندي راس الثور
مايقبل يحبني يريد جكساره
دبرت الامور وردت أبيع البيت
أشو بدل عليه يريد طياره

بيــه جروح تشــبه جبـس الاطفـال..
ادور بالجــرح تطـــلع هــــــــــديــة

ام عراقيه استشهد ولدها يوم الخميس ..
وبعد ثلاثه ايام وفي ظهيره اليوم
ذهبت الى قبر ولدها فقالت له:
حلت مدرستكم وانته ماحليت..؟
ليش اتأخرت يايمه ظل بالي..
يمه المكبره ماتقبل اتحلون..؟؟
جرسكم مايدك ويجيبك اكبالي؟؟؟
فتهيأ لها صوت من القبر قائلا...
ماريدج بعد يايمه تنتظرين...
وانتظرج اظل بلجنه اني

روحي ماتت امهه ومات ابيهه
لان ترفض عشرتي وماتبيهه
نصبلك عبوة كلبي ومات بيهه
يريدك تحضـــــــر وتبجي عليه


انة أحبك منذ ألاف السنين
واشتهيتك من جنت يم الله طين
جنة اني وياك من نفس التراب
وافترقنة بأمر رب العالمين


بعدك تحن ........؟
وشباقي عندك غير سلّه ازغيره لاوراق الحزن
...بعدك تحن؟؟...
مو بس شواطي الذكريات امحركه بيهه السفن...
ساكن ابّيت النار...كل هذا الوكت !
... ساكن أبيت النار, مو ما ينسكن؟؟؟
اتوزع غنّاك ابوحشة الحيطان...والعو د انكسر...
وابراسك اكثر من لحن..
بعدك تحن ؟؟...بعدك توّن...؟؟؟؟
ليش الحزن ربّاك صايرلك أبو..؟؟؟
وليش انت ابرضاتك صاير الحزنك أبن...؟؟؟؟
بعدك تحن..؟؟؟
بعده الخلاف اويه الزمن...هو صعب ....وانت مرن...؟؟؟
كافي السلاسل بالكلب...
مو كافي شبّعته سجن...
أفتح الباب ...اشتمّ هوه...يلدافن اسنينك دفن...
شنهي اليجبرك عالصبر....وشنهي اليجبرك تنتظر...؟؟؟
إلمن تحن؟؟.