درة الكوفة الـمـــديـــر الـــــعـــام
عدد المساهمات : 99 نقاط : 265 تاريخ التسجيل : 14/07/2013
| موضوع: خنجرك طين........ الثلاثاء سبتمبر 24, 2013 3:09 pm | |
| ما هــــــم الطعنتك خنجرك طين جبل شتريد اهمن ظهري شلال
جيب اچفوفك اخنگ حيل .. بهداي ضوه شتخنگني رايد .. فكرك اشگال
تسحگ عالــجمر وجدامك أشموع الجمر مـــو صاحبك صاحبته الدلال
سعفة انته أعلة خدك تسطر الريح وتسيرك بيدهة يا كـــــــــومة أرمال
عكس ذلك ذليلة اگبل السهام ومهـــــرة اصير اذا راكبهة خيال
وانته من المشي عثراتك هــــــواي وعمية اعيون جدمك بالمشي اثگال
زرقــــاء اليمامــــة أعيوني بالشوف شوفي من ارد اشيلة ايفرزن أميال
انه أتهيج المشاعر بية بركـــــان وانته ولا نبض مخلــــــوق تمثال
المعادن تدري عدنة أشكال واللوان مـــــن يا معدن انته وهاي الأشكال
بيهن ضل طريح وتارس الگـــــاع وبيهن صعب تملك منــــــه مثقال
تره عدي مثل بس استحي احچي مؤدب حته مـــــــن احچي بالأمثال
علــــــي چم چلمة جايب رايد اتبيع وانه بستان حچيـي انترست أسلال
هدومك مـــــــو الك لتگلــــــي تفصال انه اهدومي هذن مو مشكلة أسمال | |
|