قصيدة ردي .......ردي للشاعر عريان السيد خلف

رِدٌي رِدٌي
* * *
رِدٌي رِدٌي
ياظعن شت عن هَلـَه
اوْحدّاي غـُربه
البيــه يحــــدي
ردّي...
ينباع العشك
والياقلب تهوين صدّي
لاتهيجين الجروح..
اجروحي من تنلجم...تـِدّي
وآنه..من دم اوْ لحم ..
مو مـِن صخر..
جبدة العندي
ردّي...
مليت الصبر..
وأمكـًاطر الدمعه..
اعـْـلـَـه خدي
وآنه.. خلا ّني الوكت
ناعور...
بس أترس.. وأبــٌـدي
جـّورت ليل الصبر. واعجزت مـِنـّه
اوْهذا احدّي
بلجي من يغفه الجفن..
ما جلمة التنكـًال. بعدي
آنه موش أوّل زند..
يشتل شلب..
ويحصد بردي
اوْلا نه بس اتغربت ..
والمعتنيله ...
ايصير ضدي..
رِدٌي . . . ردٌي
مال حيل امعاتبج ..
وآنه العليج إدٌييـت
جهدي
غلّـست.. عن الكًـلت والكًـال
كًـمت اسمع..وَعَدّي..!
اوْ صابرت صبر الطفل...
شربي الصبر...
والحزن مهدي
واحملت ليل العطش...
وآنه العيون السود وردي..
اوْساهرت...
طول البعد
لمـّن عشكًــت اِليال.
سهدي
والله جــا مَـلْ وجـِزَع
لو قصتي.. اعْـلَـه ايوب تسدي
ردي
وآنه موطبعي العتب...
عالما حلاله ...
ايصون عهدي
يارخص ذاك الجدم.
كون اعله ياهو الجان . يـبـدي
اوْيامناحة ذلتي..
اوْليل الكـًضيته دموع .. وحدي
وآنه ... من دم
اوْ لحم
مو من صخر...
جبدة َ العندي
آنه...
خلا ني الوكت..
ناعــور
بس اترس ... وأبديّ

دُمتَمْ بِهذآ الع ـطآء أإلمستَمـرٍ

يُسع ـدني أإلـرٍد على مـوٍأإضيعكًـم

وٍأإألتلـذذ بِمـآ قرٍأإتْ وٍشآهـدتْ

تـقبلـوٍ خ ـآلص احترامي

لآرٍوٍآح ـكُم أإلجمـيله

اسعدني مرورك..........

وشرفني حضورك

دمت ودام لنا نبض قلبك

» نذر قصيدة للشاعر عريان السيد خلف
» قصيدة رائعة عن الام للشاعر عادل محسن
» السيد الصافي قصيدة مغرورين
» السيد محمد الصافي قصيدة سيدي نحن فداك
» مقطع من قصيدة في انتقاد الحكومة العراقية || للرادود باسم الكربلائي - للشاعر عبد الخالق المحنه