صفاك ربك ذهب وفوك الخلايك علي

صفاك ربك ذهب وفوك الخلايك علي(زهيري)


صفاك ربك ذهب.......... وفوك الخلايك علي

مذبوح هذا الوطن....... من بعد عينك علي

نتيتم بلا يتم............. لوما حضرنا علي

ماخلت بعد النبي ...بداره اصبحت زهرة

ادري بسؤالي صعب وعذريني يالزهرة

ياجرح ينزف اشد ؟....يافاطمة الزهرة

جرح الجبد؟... لو جرح البكربلة ؟.....لو طبر هامت علي

يلتنشد علة الكرم...... بابه الامام الحسن

هذا الذي مايصح ......بالناس مثله حسن

تكطعت جبدته وبالطشت ياابا الحسن

مسموم وبلا كبر ...هذا الحسن ياعلي

ودموع عيني مطر هلت ...على الحسين

وكلوبنه موجرة نار وحزن ... لحسين

جا حال زينب شني من اسمعت طاح حسين

شبلك بارض كربلا... مكطع وصل ياعلي

وشكال كلب التي بارض الغرب ....زينب

ام الحزن......ياحزن يشبه حزن زينب؟

من عاينت عالولي.. ضلوعه متكسره وشتحتمل زينب؟

من تشوف راس الولي..... فوك الرمح ياعلي

وارد اخبرك بالكمر..... هذا البطل عباس

للخوة راحت فدة ....جفوف السبع عباس

واسمع ايتام ونسه تنشد يوينه الذي يدلينه بالعباس

ومن صال بارض الغرب عدوانه كلهة شهدت هذا الشبل من علي


بقلم درة الكوفة