ساكت ياوطن.....

ساكت ياوطن



ساكت ياوطن والحركة تاكل بيك

لو خايف اظن والسكتة من خوفك

من حرب لحرب جبنة العمر وياك

من اكل الجثث ماينترس جوفك

مابيك الذنب كول الذنب جا وين

يمكن نعتذر لو نفهم ظروفك

جنت المدرسة وبيك الشعب طلاب

وبس دك الجرس شو فارغة صفوفك

تقبل ياوطن يرضيك هذا الحال

ناسك للاسف تتراكض اتعوفك

وتقبل ياوطن شبانك الحلوين

تتغرب غصب تحرمه من شوفك

من طور الحزن ملينة مامليت

جا طور الفرح ماتعزف دفوفك

جا شنهو التغير ياعراق شبيك

مو جانت دول ماتنطق حروفك

نعتب ياوطن من حبنة الك والله

شفناكم نهر عطشان بجروفك

شعبك من عطش رادك مثل عباس

يعني حسين شعبة وارضه طفوفك