من اجمل قصائد الشاعر نائل المظفر

من اجمل قصائد الشاعر نائل المظفر



ما احساسك
يسألني الصحفي الاوربي
ما احساسك
وانته الان بنص اوربه في قمة عصر التقنية
ما احساسك لو عندك حاسوب وانترنت
اتراسل اهلك بالايميل ومتحس بغربة وحنية
نقالك عبر الاقمار يطلع وجه امك يوميه
ما احساسك لو فتحة كلبك والحصوة
بالليزر يداون كلهن وما تحتاج لاي عملية
ما احساسك لو بالليزر محو امراضك
اسهل من محو الامية
ما احساسك لو ردت اوليد يشيل اسمك
تاخذ بتك للمستشفه وتحورهه بهرمونات
وحتى الولد يصير بنيه
ما احساسك لو عالغيم تعلك شقتك
والنجمه اطب من نافذتك واتبات بحضنك ليليه
احساسي اتلفضه بأنفاسك من انه اسئلوانته اجاوب
ما احساسك لو يتبدل حالك حالي وناسك ناسي وناسي بناسك
ما احساسك لو تنسه الشقق الجويه
ما احساسك لو تصبح اكثر شعبيه
ما احساسك لو تكعد بالحيانيه
ما احساسك لو كل ساع أمأجر غرفه
وتنكل بجوالتك يوميه
لا من شغله ولا يوميه وظلت بجيوبك بس ميه
ما احساسك ابيش جيبون الكميه
ما احساسك لو صوبتكم
ما تتعله ولا تتنصه ولا تطفه
اله تبخ فوكاهه اميه
ما احساسك لو وكتك ضيك فد نوبه
وتتداين خبزات وروبه
افرض جيرانك كالولك
خويه نريد فلوس الروبه
مااحساسك من تضطر تبيع الصوبه
ما احساسك من تفتر بسوك الجمعه
وشايللك من بيتك سلعه
عمي بتسعه عمي اتوكل بالله بسبعه
شايف خير وتستاهلهه
سلعة بيتي ابيتك خلههومن
يكعد يحسب بفلوسك وي كل
ورقه تنزل دمعه
ما احساسك لو يوم تخلص كميتك
والجوع يلوج ابزريتك
تبجي دموعك تبجي عيونك بجيك ما يترس صينيتك
اتكوم تدعي وانته اصلي ابأصدق نيتك يارب يا ريتك ترحمنه
يا رب يا ريتك تنصرنه يا رب يا ريتك يا ريتك
والصاروخ يطيح ابيتك
ما احساسك لو نص ابنك طك ابراسك
ما احساسك لو كتلك اترك احزانك و حس بشعبك وبجيرانك
ما احساسك لو عينك شافت بنتين
بعمره الخمسه و ست اسنين رادن يمشن
رادن مره بلعبه يركضن بس ما كدرن متعوقات
بلا رجلين واتخيل عدهن رجلين ويلعبن حليه ابراسك
ما احساسك لو مريت بسوك و بنتك كالتلك بابا جوعانه
تكسر كلبك ادكوم اتمد ايدك بجيوبك تلزم فخذك
ماكو بطانه وثكل الدمعه يدنك راسك مو للكاع لشفة بنتك
انقهرت كلش باستك ما لازم بابا و ندمانه تسمع صوت يصيح
ادفعلي صوت الثاني يكلك انه ولا انه ولا انه واتباوع كلهم
ديانه اشرف واحد بالديانه يجسر مد ايده بجيبك كض بس
رجليك العريانه ماكو بطانه طلع ايده راح الاول راح الثاني
راح الخامس ما احساسك فخذك يعلن عن افلاسك ما احساسك
لو براسك يلعب الشيطان وبكلبك قل الايمان شنو هالعيشه خوف
وذله وظلم و حرب وجوع ودربك ما تكدر تندله وما تملك بالدنيا
جكاره هم حاسب نفسك انسان سويلك يمعود جاره ادكوم اصيح
يا شيطان بس عند الله هناك الجاره واجيت حدر السياره ما احساسك
لو داس ابريك و ما داسك ما احساسك لو انه السبب بألامك واجسر
واوكف كدامك واجرأ واسئل ما احساسك احساسي تلفظه
بأنفاسك من انه اسئل وانته اتجاوب ما احساسك