نسيم البحر مــؤسس الــمـنـــتـــدى
عدد المساهمات : 786 نقاط : 2241 تاريخ التسجيل : 14/07/2013 العمر : 47
| موضوع: اجمل ما قيل عن العراق الجمعة أغسطس 23, 2013 2:37 am | |
| اجمل ما قيل عن العراق
مشكلة الوطن مابي شعب مرتاح
ومشكلة الشعب ما يكَد ر يعوفه
احبك يا وطن لو بيك ألف جلاد
وحبك لو جرح كتال ما اروفه
حبك نار بيه واشتعل بالنار
وانه أبنار حبك روحي ملهوفة
تطيب جروح غيرك يا عراق الخير
وأنت جروح گلبك لسه مكشوفة
حرامات الوطن ينزف مهج و أرواح
وبي گبة علي والوادم تشوفه
وعاين على الفرات شسوه بي عباس
شگ روحه النهر وانتحرت جروفه
عدنا من الشجاعة أمثال تلوه أمثال
كلها أبشيمه العباس موصوفة
وعدنا أول مضيف معزب الخطار
دگ ساسه الحسن من جود معروفه
ويا حاتم زمانك والشعب جوعان
خاطر ماكسر فد يوم لضيوفه
يبو عيون الشهل خليني اسولف بيك
واحچيلك عليه شلون سالوفه
عشگتك بالزغر من طحت فوك الگاع
روحي من الطفولة وياك مشغوفة
حبيتك رغم كل الجروح البيك
وقبلت الچفوف الباست اچفوفه
روحي أبحضرتك طافت على الشباچ
يا أجمل ضريح الوادم اطوفه
وأحلفك يا وطن تمسح دموع الناس
خطيه دموع شعبك تضل مذروفة | |
|