قصيده في جرح الامام علي عليه السلام

بِسْمِ اللهِ الْرَّحْمَنِ الرَّحِيِمِ
الْسَّلامٌ عَلَيٌكٌمْ وَرَحْمَةٌ الله وَبَرَكَاتٌه

قصيده في جرح الامام





يامصاب اليوم مثل امصابه تدري لام السيف حتى اكرابه






اليوم ابونه مطبر ودمـه يسيـل

والحسين اينوح وينـوح الكفيـل

اهتزت اركان السمه وصار العويل


وانكشف نور الشمس بصحابه




اليوم حزنانه السمه لفكد الولي

الشيعه كلهة بصوت تندب ياعلي

ريت النه الموت مولاي وهلي


ولانشوف الدم ترس محرابه




اليوم ابن ملجم عامل عملته

لحيدر الكرار طابر هامتـه

هذا يوم الكدر صار بشيعته


وانهدم سور المدينه وبابه




انهدم سور المدينه بغيبتك

ياعلي للموت احنه بصايتك

ننجمع وياك تحت اولايتك


واليضدكم نحسب احنه احسابه

ش


اليضدك ياعلي مالـه نجـاة

من محمد انته يالبيك الصفاة

حاربيت الكفر واركان الطغاة


ورجس اميه وشعوذه وانصابه



أه منج كربله وارض النجـف

غدرت اهل الكوفه بيكم يااسف

يوم لوعتو ولينـه وانجتـف


للكسر ظلع الزجيه اطلابه




انكسر ظلع الزجيه ياعلي

مانلوذ بغير كم نلكه ولي

الحياة اتهون كله والحلي


وريت انه انحسب من احبابه




اليوم جبرائيـل لنعشـك حمـل

يبجي اسرافيل والمدمـع همـل

من سمع صوت انكتل خير العمل


يوم ابن ملجم علن بارهابه




اليوم ابن ملجم طبر فحل الفحول

انهدم باب المدينه من الرسـول

شنهو رايك يالموالي وشتكـول


بين شرع الله وشرع هالغابه




ندري شرع الله اليوم المرسليـن

همه داحي الباب والسبط الحسين

وندري اشرار الارض يزيد اللعين


يلعن الله والده وانسابه